Աշխատանքային պարտականությունները

• Բանկի հաճախորդների դրամական միջոցների և այլ արժեքների արգելադրման, բռնագանձման և արգելանքից ազատման գործողությունների իրականացում,
• Բանկի ներքին իրավական ակտերով և որոշումներով սահմանված կարգով Հաճախորդի` Բանկում բացված (սպասարկվող) բոլոր տիպի պասիվային հաշիվների վերաբերյալ իրեն բաժնի պետի կողմից հանձնարարված տեղեկանքների նախապատրաստում,
• Բանկի կողմից տեղեկատվության (սոցիալական փաթեթի հաշիվներ, ՀՀ ընտրական օրենսգրքի համաձայն նախընտրական հիմնադրամների ձևավորման հաշիվներ) տրամադրման մասով բաժնի պետի կողմից իրեն հանձնարարված գործողությունների իրականացում,
• Բանկի ներքին իրավական ակտերով, որոշումներով և հրամաններով իրեն վերապահված այլ գործառույթների և իր գործառույթներին առնչվող այլ հանձնարարականների կատարում:

Պահանջվող որակավորումներ

• Բարձրագույն (տնտեսագիտական կամ տեխնիկական կրթությունը ցանկալի է),
• Վերջին 5 տարվա ընթացքում առնվազն 1 տարվա փորձ ֆինանսաբանկային ոլորտում (նախընտրելի է պասիվային գործառնությունների ձևակերպումների (ուղեկցման) ուղղվածությամբ),
• MS Office, Lotus Notes, LSoft կամ համանման ծրագրեր,
• Հայերեն (գերազանց), ռուսերեն (լավ), անգլերեն (բավարար),
• ՀՀ բանկային, վճարահաշվարկային, ՀԿԱԾ ոլորտը կանոնակարգող օրենսդրության ընդհանուր իմացություն:

Աշխատանքի նկարագրությունը

Արդշինբանկն իր թիմը համալրելու նպատակով փնտրում է մասնագիտական բարձր որակավորում ունեցող ռուսերենի գերազանց իմացությամբ Պասիվային գործառնությունների բաժնի առաջատար մասնագետ։ Եթե համապատասախանում եք նեքոնշյալ պայմաններին, ապա մենք սպասում ենք Ձեզ:

• Մրցակցային բարձր աշխատավարձ,
• Աշխատավարձի տարեկան վերանայում,
• Մասնագիտական աճի հնարավորություն,
• Եռամսյակային, տարեկան բոնուսներ,
• Ճկուն աշխատանքային գրաֆիկ,
• Հեռավար աշխատանքի հնարավորություն,
• Վճարովի հավելյալ ոչ աշխատանքային օրեր,
• Բժշկական ապահովագրություն:

Դիմելու ընթացակարգը

Բոլոր այն անձինք, ովքեր հետաքրքրված են և ունեն համապատասխան որակավորում կարող են դիմել ստորև սեղմելով Պասիվային գործառնությունների բաժնի առաջատար մասնագետ

 Սահմանված դիմում-հարցաթերթիկների ձևով չլրացված ռեզյումեները չեն դիտարկվի: Հարցազրույցին կհրավիրվեն ստացված դիմում-հարցաթերթիկների նախնական քննարկման արդյունքում ընտրված անձինք:  

 Խնդրում ենք հստակ նշել, որ իմացել եք այս թափուր պաշտոնի մասին Ջոբֆայնդեր կարիերայի կայքից: